ኑር የቁርዓን ባንክ በዛሬው ዕለት በታሪካዊቷ ሀረር ከተማ

ኑር ቁርዓን ባንክ የሀረሪ ተወላጅ ከሆኑት ወንድም አቡ ሙሀመድ እና ወንድም ሙኒብ የኑስ ጋር በመተባበር ከሀረር ከተማ 30 ኪሎ ሜትር ርቀት ላይ ከሚገኙ ጥንታዊ መሳጂዶች ውስጥ መስጂደል ኢመርዲን ፣ ኡጋዝ ፣ አይነፊሳ እና ኮረሜ በመገኘት ለመስጂዱ ኢማሞች እና ኡስታዞች በአጠቃላይ 1200 የቁርአን ኮፒዎችን ማድረስ ችሏል ።

የአካባቢው ኡስታዞችና የመስጂድ ኢማሞች በበኩላቸው አሁን ላይ በፈረቃ ወንድ እና ሴት ተማሪዎች እንዲሁም እናቶችና አባቶችን በቋሚነት እያስቀሩ መሆኑን ገልፀው በከፍተኛ ሁኔታ የሙስሀፍ እጥረት በመኖሩ ሁሉንም ደረሶች በተመቻቸ ሁኔታ ለማስቀራት እንደተቸገሩም ነግረውናል ። አያይዘውም ኑር የቁርዓን ባንክ በጊዜያዊነት ያለባቸውን የሙስሃፍ እጥረት በመሸፈኑ ደስታቸውን የገለፁ ሲሆን ሙስሃፎቹን ተረክበው ደስታቸውን በዱአ ገልፀውልናል ።